浅聊人生(沪语) 

您好,欢迎访问上海农场知青网 用户注册 用户登录

彩虹天地

当前位置:上海农场知青网 -> 彩虹天地 -> 正文

浅聊人生(沪语)

日期:2021-09-15 06:02:22 点击数:246 来源:彩虹天地编辑部 作者:冯济民


浅聊人生(沪语)


特邀通讯员:冯济民 




       人生,迭是一个邪气宏大深奥话题。人微言轻,勿敢贸然妄议。勒迭搭只勿过浅浅叫讲几句自家个人看法而


       人个一生几化长?假使呒没意外,一般正常个也就六、七十年,七、八十年伐。讲长勿长,讲短也勿短。能活到九十以上个人虽然越来越多,但所占个比例毕竟老小。据报道,上海百岁以上老人已有三千,看上去勿少,但勒2487万常人口当中,仍旧只能算得是凤毛麟角。


       人到老年七八十岁辰光,常常会情勿自禁个回顾自家个人生。有成功,有失败; 有顺利,有曲折;  有坦荡,有坎坷; 有喜悦,有痛苦,可谓酸甜苦辣,五味杂陈,深感一路走来,实在勿容易。


       大家向往个幸福人生大致浪是:  幼年父母双全,家境优越;  少年求学顺利,受到良好教育; 青年中学大学,能上重点名牌; 婚姻美滿幸福,子女健康可爱; 中年事业有成,经济收入可观; 晚年子女孝顺,尽享天伦之乐。一生勿受病痛折磨,呒没牢狱之灾; 诸事侪称心愿,遇难逢凶化吉; 人脉四处侪有,办事方便快捷;夫妻白头偕老,最后无疾而终。假使勒政治浪有要求,还要加上入队、入团、入党,当干部、当领导。但迭能个人生对绝大多数人来只能是愿望搭向往,老难做到个。


       人生个顺利、幸福离勿开两大因,一是社会环境,二是自身努力。一是客观,二是主观。


       阿拉搿一代虽然长勒新社会,但因种种众所周知个原因,也受到勿少磨难。自然灾害,上山下乡,勿能上学,呒没工作等,迭侪是由社会原因造成个,对阿拉个人生产生了重大影响。额角头个是阿拉呒没碰着战争。


       但是勒同样个社会环境下,各人个境遇却又勿同,甚至大相径庭,迭就搭自身个努力有老大个关系。阿拉常庄讲命运要掌握勒自家个手里,要通过自身努力改变自家个命运。就以阿拉迭一代为例,"文革"剥夺了阿拉读书个机会去务工务农。但恢复高考后,勿少人抓牢机会,奋发努力,付出艰辛汗水,上了大学,或业余大学、电视大学,通过自学考试,取得了大学文凭。读书改变命运,知识改变人生,取得一定成绩,有一定社会地位,生活条件也较为舒适。有眼甚至只是73,74届学生,虽然文化基础差,但奋发努力,照样当上了作家、教授。反之,呒没抓紧机会读书,只能勒普通岗位工,后来又拨下岗,生活条件相对就较差。迭搭自身努力与否有蛮大个关系。人生个路是自家走个,一分耕耘,一分收获,迭的确有一定道理。


       看到一个资料,讲人到老了回顾自家个人生往往有交关后悔。其中最多有五: 一是呒没寻到一份好职业、好工作,二是年轻辰光呒没好好努力,三是呒没培养好小囡,四是呒没善待自家个爱人,五是呒没珍惜自家个身体。等到老了,悟到了,但巳经来勿及了。人生呒没彩排,是呒没后悔药吃个。


       珍惜当下,过好每一天。拿每天侪看作是自家人生个最后一天。人生应勿懈努力,永远呒没忒晏个开始。勿管是青年,中年,老年,侪走好自家个人生道路,活出质量,活出精彩,活出快乐。等到生命将要结束个辰光,可以自豪个讲一声,人生无悔!




作者:冯济民


分享到:

文章评论

全部评论 (0)

活动图片

more